Главная страница

Программа по предмету «Грамота (чтение, письмо)» для 1 класса уровня начального образования


Скачать 134.19 Kb.
НазваниеПрограмма по предмету «Грамота (чтение, письмо)» для 1 класса уровня начального образования
Дата24.01.2017
Размер134.19 Kb.
ТипПрограмма
1. /Начальная школа 1-4 класс рус/1 Сауат ашу рус.docx
2. /Начальная школа 1-4 класс рус/10 ИЗО 1-4 кл рус.doc
4. /Начальная школа 1-4 класс рус/12 Физическая культура 1-4 кл рус 2015+++.doc
9. /Начальная школа 1-4 класс рус/17 Сауат ашу 1 кл уйг рус.doc
19. /Начальная школа 1-4 класс рус/3 Адебиеттик оку 2-4 кл рус.doc
23. /Начальная школа 1-4 класс рус/7 Познание мира 1-4 кл рус 2015+++.doc
25. /Начальная школа 1-4 класс рус/9 Музыка 1-4 кл рус.doc
Программа по предмету «Грамота (чтение, письмо)» для 1 класса уровня начального образования
Программа по предмету «Изобразительное искусство» для 1-4 классов уровня начального образования
Программа по предмету «Физическая культура» для 1-4 классов уровня начального образования
Программа по предмету «Грамота (чтение, письмо)» для 1 класса уровня начального образования
Программа по предмету «Литературное чтение» для 2-4 классов уровня начального образования
Программа по предмету «Познание мира» для 1-4 классов уровня начального образования
Программа для 1-4 классов уровня начального образования Астана Утверждена


МИНИСТЕРСТВО ОБРАЗОВАНИЯ И НАУКИ РЕСПУБЛИКИ КАЗАХСТАН

НАЦИОНАЛЬНАЯ АКАДЕМИЯ ОБРАЗОВАНИЯ ИМ.И.АЛТЫНСАРИНА


ГРАМОТА (ЧТЕНИЕ, ПИСЬМО)
учебная программа

для 1 классов уровня начального образования

(с уйгурским языком обучения)

Астана
Утверждена приказом Министра образования и науки Республики Казахстан от 3 апреля 2013 года №115.


Зарегистрирована в Министерстве юстиции Республики Казахстан №8424 от 10 апреля 2013 года.


Грамота (чтение, письмо): Учебная программа для 1 классов уровня начального образования (с уйгурским языком обучения). – Астана: НАО им. И.Алтынсарина, 2013. – 9 с.

© Национальная академия образования

им. И.Алтынсарина, 2013.

Приложение 17

к приказу Министра образования

и науки Республики Казахстан

от 3 апреля 2013 года №115


Типовая учебная программа по предмету «Грамота (чтение, письмо)»

для 1 класса уровня начального образования

(с уйгурским языком обучения)
1. Уқтурушнамә
1. Умумий билим беридиған мәктәпниң «Сават ечиш» пәни бойичә оқутуш Қазақстан Жумһурийити Һөкүмитиниң 2012-жилниң 23-августтики № 1080 қарари билән бәкитилгән оттура билим беришниң (башланғуч, асасий оттура, умумий оттура билим бериш) Дөләтлик умумға мәжбурий билим бериш стандартиниң асасида әмәлгә ашурулиду.

2. Сават ечишниң асасий мәхсити:

1) оқуш адәтлиригә асаслинип, фонетикилиқ аңлаш қабилийитини тәрәққий әттүрүш;

2) тавушларни аҗритишни билиш;

3) һәрипниң язма түрини йезиш;

4) һәрипләрни тонуш, саватлиқ йезиш адәтлирини қелиплаштуруш;

5) өз алдиға оқушқа, йезишқа адәтләндүрүш;

6) боғумға бөлүп, андин сөзни туташ, җүмлини, мәтинни оқушни билиш;

7) китап оқушқа болған қизиқишини ашуруш;

8) оқуш һәм саватлиқ йезишни билиш;

9) сөзниң тавушлуқ тәркивини билиш;

10) еғизчә сөзләшни үгитиш арқилиқ әмәлгә ашуруш.

3. Сават ечишта төвәндики вәзипиләр әмәлгә ашурулиду:

1) балиларниң яш алаһидилигигә көңүл бөлүш;

2) оқутуш принциплирини башчилиққа елиш;

3) сөзләш нутқиниң тавушлуқ алаһидиликлирини өзләштүрүш, йеңи сөздики тавушларни дурус тәләппуз қилишқа үгитиш;

4) боғумлап оқуш усули арқилиқ сөзни туташ оқушқа интилдүрүш;

5) тавушларни һәрипләр билән дурус бәлгүләшкә, йезишқа, сөз ичидики бағлиниш усуллирини сақлап, сөзләрни туташ йезишқа үгитиш;

6) йезиш тәләплирини орунлаш;

7) балиларниң сөзләш нутқини, бағлаштуруп сөзлишини риваҗландуруш.

4. «Сават ечиш» пәни бойичә оқуш жүклимиси башланғуч билим беришниң базислиқ оқуш плани асасида оқутуш уйғур тилида жүргүзүлидиған типлиқ оқуш планида өз әксини тапқан. «Сават ечиш» пәни билим беридиған асасий программида асасида әмәлгә ашурулиду. Базислиқ оқуш планида 1-синип үчүн һәптисигә 7 сааттин, жилиға 231 саат берилгән.

5. «Сават ечиш» пәнини оқутуш үч дәвир бойичә елип берилиду:

1) елипбәгичә болған дәвир – 28 саат;

2) елипбә дәври – 98 саат;

3) елипбәдин кейинки дәвир – 105 саат.

6. Интеграцияләнгән (оқуш һәм йезиш) «Сават ечиш» пәниниң мәзмуни икки дәрис мүҗәссәмләнгән: биринчи йерим жиллиқта – «Елипбә» дәрислиги, иккинчи йерим жиллиқта – «Ана тили» дәрислиги:

1) елипбәгичә болған дәвир: сөзниң тавушлуқ тәркивини байқашни билиш; бармақлирини йезишқа тәйярлаш (һәр хил сизиқлар, нәқишләр билән тамғилар сизиш); тил байлиғини ашуруш; бағлинишлиқ сөзләшкә үгитиш;

2) елипбә дәври: һәрипләрниң басма һәм язма түрлири, баш һәрип билән кичик һәрип; сөзниң тавушлуқ-боғумлуқ тәркивини модельлаш, сөзни боғумға бөлүп оқуш һәм туташ сөз билән оқуш; җүмлиләрни, мәтинләрни оқуш, һәрипләрни йезиш, сөз ичидики һәрипләрни бир-бири билән дурус қошуп йезиш; сөз, җүмлә йезиш; мәтин билән иш елип (соалларға җавап бериш, оқуғанни сөзләп бериш, мәтин қураштуруш);

3) елипбәдин кейинки дәвир: сөз, җүмлә, мәтин оқуш һәм йезиш; созуқ вә үзүк тавушлар, сөз түркүмлири һәққидә дәсләпки грамматикилиқ чүшәнчилирини өзләштүрүш (нәрсиниң намини, һәрикитини, сүпити, санини билдүридиған сөзләр) җүмлиниң биринчи сөзини баш һәрип билән йезиш, киши атлири, йәр-су намлири һәм өй һайванатлириға қоюлидиған атларни баш һәрип билән йезиш. Сават ечиш дәвридә көчирип йезиш, һәрип, боғум, сөз диктантлири охшаш язма ишлар жүргизилиду. Биринчи йерим жиллиқта муәллимниң ихтияри бойичә һәр бир дәристә һәрип, боғум вә сөз диктанти йезиши керәк. Иккинчи йерим жиллиқта төрт қетим изаһәт (20-25 сөздин ибарәт) вә үч қетим инша йезишни үгитиш керәк. Шундақла оқуғучиларниң каллиграфиялик адәтлирини йетилдүрүш үчүн һәр бир дәристә һөсни хәткә 8–10 минут мөлчәрдә вақит бөлүниду. Саватлиқ йезишни үгиниш билән биллә ана тилиниң фонетика, грамматика саһалири бойичә мәлумат алиду. Балиниң оқуш, сөзләш, йезиш маһаритини ашуруш арқилиқ тилниң муамилә васитиси екәнлиги вә ана тилиниң бай һәм эстетикилиқ жәһәттин қиммәт екәнлигини чүшәндүрүш тәләпкә мувапиқтур. Мәзкүр программилар арқилиқ муәллим оқуғучиниң қизиқишиға бағлиқ униң билимини ашуруш, чоңқурлитиш, толуқтуруш вә униңға һәртәрәплимә ярдәм көрситиш мүмкинчилигигә егә. Һәр бир материал башланғуч синипларниң билим дәриҗисигә қоюлидиған тәләпләргә лайиқлаштурулуп, яш өсмүрниң шәхс сүпитидә қелиплишишини көздә тутқан һалда тәйярланди. Әлвәттә, оқуғучиларниң психологиялик алаһидилиги вә яш өзгичилиги толуқ дәриҗидә инавәткә елинди.

7. Пән ара бағлинишлар:

1) сават ечиш пәниниң мәзмуни оқуғучиларниң ана тилида язмичә саватини һәм еғизчә нутқини, тил байлиғини, сөз луғитини күчәйтип, адәм, тәбиәт һәққидә билимлирини кәңәйтип, адәмгәрчилик вә эстетикилиқ ички дуниясини қелиплаштуруш мәхситидә барлиқ билим саһалири билән бағлиништа болиду;

2) дуниятонуш пәни билән: адәм, тәбиәт, қоршиған аләм тоғрилиқ берилгән мәтинләрни оқуш арқилиқ билимини кәңәйтиш, чоңқурлитиш; экскурсия вә тәҗрибилик ишларни орунлаш вақтида алған билимини, көргәнлирини тәбиәт тоғрилиқ мәтинләрни оқуш җәриянида пайдилиниш;

3) математика пәни билән: «Күн тәртиви», «Йол қаидилири», «Ай намлири», «Жил мәзгиллири» мавзусини өткәндә, дәрислик бәтлирини ачқанда вә көнүкмиләрни орунлиғанда математикилиқ чүшәнчилирини бериш;

4) музыка пәни билән: миллий саз әсваплири вә музыка саһасида әмгәк сиңәргән композиторларниң әсәрлирини тиңшаш; шаирларниң шеирлирини ядлаш;

5) тәсвирий сәнъәт пәни билән: дәрисликтә берилгән сүрәтләр арқилиқ сөз байлиғини ашуруш, тилини риваҗландуруш; сүрәт арқилиқ өз ички сезимини, ой-пикирини әркин ейтишқа үгитиш; эстетикилиқ тәрбийә бериш;

6) әмгәккә үгитиш пәни билән: әмгәк мавзусиға бағлинишлиқ мәтинләрни оқушта оқуғучиларни әмгәксөйгүчлүккә, адәмләрниң әмгигини һөрмәт қилишқа тәрбийиләш; миллий кийим үлгилири, қурал-җабдуқлириниң тарихи тоғрилиқ мәтинләрни оқуғанда, уларни пайдилинишни үгитиш;

7) тән-тәрбийә пәни билән: йезишқа үгитиш, партиға олтириш, қәләмни, дәптәрни дурус қоюш қаидилирини әстә сақлаштин башлиниду. Йезиш пәйтидә йоруқ балиниң сол тәрипидин чүшүши керәк. Йезиш үлгиси дәптәр билән толуқ тонуштурулғандин кейин уни партиниң, үстәлниң үстигә 300 булуң ясайдиған әһвалда орунлаштурушқа алаһидә көңүл бөлүш; дәрис үстидә сәгитиш пәйтини миннәтлик уюштуруш.
2. 1-синиплириға беғишланған оқуш пәниниң билим мәзмуни
8. 1-синип. Барлиғи – 231 (һәптисигә 7 сааттин).

1) елипбәгичә болған дәвир – 14 саат. Нутуқ, мәтин, жүмлә, сөз, боғум. Сөзләрни боғумға бөлүш. Тавуш – созуқ вә үзүк тавушлар, қелин вә инчикә созуқ тавушлар, сөздики тавушларни тәһлил қилиш. Тавушниң ейтилиши, йезилиши, җүмлә. Тавушлуқ тәһлил сөздин айрим тавушларни бөлүп, уларни атап бериш билән чәкләнмәйду. У сөздики тавушларниң өзгичилигини, тавушлуқ қурулушини сақлап, шу қелипида қобул қилип вә қайтидин әскә елиш чевәрлигидин ениқлиниду. Балилар ана тилиниң тавушлуқ түзилишини, һәр тавушниң әһмийитини чүшиниши керәк (қелин, инчикә, җараңлиқ, җараңсиз тавушларниң ейтилиш нусхилири). Сөзни тавушлуқ тәһлил қилишни билиш. Очуқ боғумдики үзүк тавушниң ейтилиши, тавушларниң бағлиниши,

балиларниң боғумлап оқушниң чапсан өзләштүрүшигә асаслиниду. Оқуш билән йезишқа үгитишниң элементлири қатар жүргүзүлиду. Оқуш билән йезишниң асаси – ана тилиниң тавушлуқ системиси екәнлигини әскә елиш керәк. Оқуш вә йезиш үчүн балиға сөзниң тавушлуқ түзилишини чүшиниши наһайити зөрүр. Боғумлап оқушни өзләштүрүш. Боғумлап оқуш арқилиқ сөзни туташ, чапсан, чүшинип оқуш. Очуқ, йепиқ боғумлар түрлирини чүшәндүрүш. Балиларниң тил байлиғини бейитиш дегинимиз – сөзниң мәнасини чүшиниш. Луғәт ишлирини жүргүзүш арқилиқ тилдики грамматикилиқ категорияләрни пайдилинишни билишкә үгитиш, балиларни нәрсиләрниң намиға, түригә, һәрикитигә бағлинишлиқ сөзләрни дурус пайдилинишни билиш. Соалға җавап. Оқушқа тәйярлиқ. Йезишқа тәйярлиқ. Оқуғучиларниң аңлаш вә әстә сақлаш қабилийәтлирини ашуруш. Дурус сөзләш адәтлирини қелиплаштуруш. «Билим күни», «Дәрислик билән тонуштуруш», «Мәктәп», «Бизниң аилә», «Бизниң өй», «Мениң сөйүмлүк чөчәклирим», «Бизниң синип», «Мән – оқуғучи», «Оқуш қураллири», «Йолдин өтүш қаидилири», «Йол васитилири», «Һәптә намлири», «Ай намлири», «Күн тәртиви», «Алтун күз», «Күмүч қиш», «Баһар кәлди», «Яз кәлди», «Өсүмлүкләр», «Көктатлар», «Мевиләр», «Қушлар – бизниң достумиз», «Тәбиәтни сақлайли», «Өй һайванлири», «Явайи һайванлар», «Чөчәктә – меһманда», «Бизниң Вәтинимиз – Қазақстан», «Милләтләр достлуғи» охшаш лексикилиқ мавзулар бойичә оқуғучилар билән сөһбәт жүргүзүш;

2) елипбә дәври – 98 саат. Тавуш вә һәрип – 91 саат. Боғум, сөз, җүмлә – 4 саат. Сават ечишқа үгитиштә сөзниң боғумлуқ түзүлүши асасий орунда туриду. Балилар оқушни боғумлап оқуштин башлайду. Сөзниң боғумдин түзилидиғанлиғини балилар дәсләп муәллимниң еғизчә чүшәндүрүшидин билиду. Боғум һәққидә чүшәнчисини қелиплаштурушта алди билән җүмлә түзүп, униң түзилишини тәһлил қилиду. Шуниңдин кейин шу җүмлидики сөзләрни айрим-айрим ейтип, уларниң һәр қайсисини боғумға бөлиду. Мәтин – 3 саат. Кичик һәрип, баш һәрип, һәрипләрниң басмичә вә язмичә түрлирини йезишни үгитиш. Тавушларни тәләппуз қилиш, сөзләрни боғумларға бөлүш, сөзләрдики боғум саниниң һәр хил болушини чүшәндүрүш. Тавушлиқ тәһлил қилиш. Йеңи сөзләрниң мәнасини чүшәндүрүш. Җүмлини бағлинишилиқ сөзләш. Соалларға җавап беришни, өз ой-пикирни дурус йәткүзүш. Җүмлини ейтқанда интонациягә көңүл бөлүш. Иҗадий тапшурмиларни орунлаш. Чөчәкләрни сәһниләштүрүш. Шеирларни ядқа елиш. Сүрәт бойичә һекайә түзүш. Қошақ, мақал-тәмсил, тепишмақ, санимақларни ядқа билиш. Әстә сақлап йезиш, бағлинишлиқ сөзләшни риваҗландуруш. «Уйғур елипбәси», «Қазақстан Җумһурийити», «Қазақстан – мустәқил дөләт», «Алмута», «Астана», «Қазақстан байлиғи», «Карван», «Метро», «Йеза», «Бизниң аилә»;

3) елипбәдин кейинки дәвир – 119 саат. Оқуш. Алфавиттики барлиқ һәрипләрни өз ичигә алған бағлинишлиқ мәтинни ипадилик оқушни үгитиш. Сөзни туташ,боғумға болмәй оқушқа үгитиш. Сөзни үнлүк һәм ениқ оқуш, мәнтиқий урғини қоюп, аһаңни сақлап оқушни үгитиш. Оқулған мәтин асасида һаҗәт болған җүмлиләрни мәтиндин тепип оқуш, мәзмунини сөзләп бериш, сәһниләштүрүш. Сүрәткә қарап һекайә түзүшни үгитиш. Мәтиндин чүшиниксиз сөзләрни тепиш. Балиларға беғишланған уйғур язғучилириниң иҗадийәтлирини оқутуш (шеир, һекайиләр). Йезиш, орфография. Сөзни боғумға бөлүп йезишни үгитиш, бағлинишлиқ сөзләшни, йезишни үгитиш. Тавуш вә һәрип. Боғум, сөз, җүмлә, мәтин. Кичик һәрип, баш һәрип, һәрипләрниң басмичә вә язмичә түрлирини йезишни үгитиш. Әстә сақлап йезиш, бағлинишлиқ сөзләшни риваҗландуруш. Оқуш материаллиридин: Әҗдатларни әскә алғанда – 11 саат. А.Қунанбаев, Ы.Алтынсарин, Садир палван, Назугум, А.Розибакиев, Ө.Муһәммәдий, Һ.Искәндәров, И.Бәхтия, С.Лутпуллин, Х.Һәмраев. Хәлиқ еғиз ижадийити. Нан һиди. Көмүқонақ. Тонур нан. Адәм әмгиги билән гөзәл. Қол һүнәрвәнчилиги. Адәмниң қоли гүл. Зәргар. Чевәр қоллар. Рәхмидин бовам – төмүрчи. Гиләм. Грамматика. Орфография. Нутуқ. Нутуқ һәққидә чүшәнчә – 4 саат. Оқуғучиларниң тил мәдәнийитигә бағлиқ ишлар алаһидә роль атқуриду. Мошу мәхсәттә балиларни еғизчә сөзләшни үгитиш үчүн шеирни ядқа елиш, Бағлинишлиқ сөзләш түрлирини үгитишни қараштуриду. Сюжетлиқ сүрәтләргә қарап сөһбәтлишиш, иллюстрацияләр бойичә һәкайә түзүш, тиңшиған яки оқуған һекайә, чөчәкләрниң мәзмунини сөзләш, диалог в.б. Еғизчә вә язма нутуққа бағлинишлиқ сөзләш. Тавуш вә һәрип – 55 саат. Тавуш вә һәрип. Созуқ вә үзүк тавушлар вә уларниң һәриплири . Уйғур елипбәси. Қелин вә инчикә созуқ тавушлар. Инчикә вә қелин ейтилидиған сөзләр. Җараңлиқ вә җараңсиз үзүк тавушлар. Уларниң һәриплириниң йезилиши. Рус тилдин киргән сөзләр. Боғум – 6 саат. Боғум вә униң имласи. Сөзләрни қурдин-қурға көчириш. Қурдин-қурға көчиришкә болмайдиған сөзләр. Баш һәрип билән йезилидиған сөзләр – 5 саат. Баш һәрип билән йезилидиған сөзләр. Һайванларға қоюлған атлар. Җүмлә – 4 саат. Җүмлиниң түзилиши вә йезилиши һәққидә чүшәнчә бериш. Сөз – 4 саат. Сөзниң түзилиши. Сөз һәққидә умумий чүшәнчә. Нәрсиниң намини билдүридиған сөзләр – 4 саат. Нәрсиниң намини билдүридиған сөзләр. Ким? Немә? Кимләр? Немиләр? дегән соалларниң қоюлиши. Хас исимларниң имласи. Йүсүп Хас Һаҗип, Маһмут Қәшқәрий һәққидә мәлумат бериш. Җүмлиниң биринчи сөзини баш һәрип билән йезиш, кишиләрниң исим фамилиялири, йәр су намлири һәм өй һайванлириға қоюлидиған атларниң баш һәрип билән йезилиши. Нәрсиниң иш-һәрикитини билдүридиған сөзләр – 4 саат. Нәрсиниң һәрикитини билдүридиған сөзләр, һәрикәтни билдүридиған сөзләргә қоюлидиған соаллар. Соаллар арқилиқ жүмлидин һәрикәтни билдүридиған сөзләрни тепиш. Һәрикәтни билдүридиған сөзләрниң жүмлидики башқа сөзләр билән бағлиниши. Сюжетлиқ сүрәтләр арқилиқ җүмлә, мәтин түзүп, ичидин иш һәрикәтни билдүридиған сөзләрни аҗритишни билиш. Нәрсиниң сүпитини билдүридиған сөзләр – 4 саат. Нәрсиниң сүпитини билдүридиған сөзләр. Уларға қоюлидиған соаллар. Нәрсиниң шәклини, рәңгини, тамини, һәҗимини вә башқа сүпәтләрни билдүридиған сөзләр. Қарши мәналиқ сөзләр билән тонуштуруш. Нәрсиниң санини билдүридиған сөзләр – 4 саат. Нәрсиниң санини билдүридиған сөзләр, уларға қоюлидиған соаллар. Нәрсиниң санини билдүридиған сөзләрниң имласи.

Санниң ретини билдүридиған сөзләр.Қанчә? қанчинчи? нәччә? нәччинчи? дегән соалларға җавап беридиған сөзләр. Нутуқ өстүрүш материаллири бойичә – 5 саат. Дудуқлимай тез оқи. Мақаллар. Чөчәкләр. Өткәнләрни тәкрарлаш – 9 саат. Җүмлиниң ениқлимиси, җүмлидики сөзләрниң бир-биридин бөләк йезилиш. Җүмлиниң ейтилишиға қарап хәвәр, соал, үндәш болуп бөлүниши. Җүмлиниң биринчи сөзи баш һәрип билән башлинип ахириға чекит, соал, үндәш бәлгүлириниң қоюлиши. Җүмлидики сөзләрни бағлиниши. Мәтин. һәр хил мәтинләрни оқуш. Мәтинниң мавзусини ениқлаш. Мәтингә мавзу қоюш. Мәтиндин чүшүниксиз сөзләрни тепиш. Берилгән җүмлиләрдин мәтин түзүш. Көчирип йезиш, аңлаш арқилиқ йезиш, әстә сақлап, ядқа йезиш, соалларға язмичә жавап йезиш. Сөз, җүмлә, кичик мәтинләрни йезиш. Тест тапшурмилирини орунлаш.
3. Оқуғучилириниң тәйярлиқ дәриҗисигә қоюлидиған тәләпләр
9. Пән бойичә нәтиҗиләр балиларниң оқуғучиларниң билим елишниң базилиқ мәзмунини өзләштүрүш мабайинида ениқлиниду:

1) ана тилиниң барлиқ тавушлирини ениқ вә дурус ейтишни;

2) тавуш чүшкән урғу очуқ, ениқ болушни;

3) әдәбий вә орфоэпиялик нормида дурус сөзләшни;

4) балилар билән сөзләштә тавуш урғусини ишлитип, тоғра сөзләшни;

5) балиларға чүшинишлик тил билән мәтин мәзмунини йәткүзүшни;

6) грамматикилиқ формида дурус сөзләшни;

7) нутуқтин җүмлини, җүмлидин сөзни, сөздин тавушни пәриқ қилишни;

8) сөзниң тавушлуқ тәркивини ениқлашни;

9) сөздики тавушларниң қатарини санини тавушларниң сөз бешида, сөз оттурида, сөз ахирида турғинини;

10) сөзни боғумға бөлүшни;

11) йезиш дәптириниң қурини сақлап йезишни;

12) һәрип элеметлирини йезишни;

13) мавзулар бойичә мәтин түзүшни;

14) уйғур алфавитидики һәрипләрниң басма һәм язма шәкиллирни ениқлашни;

15) баш һәрипләр йезилған сөзләрни;

16) жүмлә интонация, аһаңини сақлап оқушни билиши шәрт.

17) бағлинишлиқ мәтинләрни дурус аңлиқ һалда чүшинип, ипадилик оқушни вә соалларға җавап беришни;

18) нәрсиләрниң намини, иш-һәрикитини, санини, сүпитини билдүридиған сөзләрни вә уларға қоюлидиған соалларни;

19) муәллимниң ейтип бериши арқилиқ йезишни;

20) мавзу бойичә берилгән тапшурмини мустәқил һалда ишләшни өзләштүрүши шәрт.

10. Иҗтимаий-шәхсий нәтиҗиләр:

1) Қазақстан Җумһурийитиниң Конституциясида, тәртип сақлаш қаидилири билән қанунлириға һөрмәт билдүриши;

2) Вәтинимиз Қазақстанға болған муһәббитини билдүрүши;

3) паалийәтчан әзимәт болуп, патриотлуқ сезимини көрситишни билиши;

4) Вәтәнгә хизмәт қилиши вә униң номусини қоғдашқа тәйяр болуши;

5) дөләт рәмизлиригә һөрмәт көрситиши;

6) дөләт тили вә ана тилини билиши;

7) җумһурийитимиздә яшаватқан хәлиқлириниң урпи-адәтлирини, тилини,

һөрмәт қилиши;

8) өз хәлқиниң тарихини, мәдәнийитини, тилини билиши;

9) җәмийәттә өзини тутуш қаидилирини билиши;

10) өз елиниң тәбийитини сақлашқа вә уни риваҗландурушқа интилиши;

11) қоршиған муһитни сақлашқа интилиши;

12) сағлам һаят кәчүрүш үчүн барлиқ бехәтәрликни сақлашни үгиниши;

13) чоңға һөрмәт, кичикләргә ғәмхорлуқ қилиш, достқа садиқ болуш қатарлиқ хисләтлири әмәлиятта көрүнүши шәрт.

11. Системилиқ-һәрикәтлик нәтиҗиләр:

1) илмий әхбаратни тәһлил қилиш, ишлитиш вә жиғишни;

2) тонуш, қураштуруш, әмәлий ишлар арқилиқ вә иҗадийәтлик билән қоллиниш усуллирини;

3) өз алдиға билим елишиға, һаяттта өз орнини тепишқа вә әмгәк қилишни;

4) мавзу бойичә берилгән тапшурмини мустәқил һалда әмәлгә ашурушни;

5) мәтин бойичә ишләш (соалларға җавап бериш, сүрәт бойичә ишләшни, мәтинниң асасий мәзмунини чүшинип, өз алдиға әркин сөзләшни в.б.);

6) мәтин, сүрәт арқилиқ қисқа һекайә түзүшни;

7) ана тилида еғизчә вә язмичә дурус сөзләшни;

8) пән бойичә алған билимини әмәлиятта қоллиниши шәрт.